تقدیم به همه پرستاران و پزشکانی که در این روزهای سخت با همه مشکلات وکمبودهایی که دارند عاشقانه ایستاده اند وتاپای جان با کرونا می جنگند تا از سلامتی ملت عزیزمان دفاع کنند :                                                                                                                                               بیرمَلَک دیر گیرینیب آغ لباسا
مهربان قَلبینه ایمان یاراشیر
وارلیغی گوللو باهاردان یارانیب
جان وِئرَن گؤزلَرینه جان یاراشیر

هَرزامان خَسته لَرین یولداشیدیر
قارداشی اولمیانین قارداشیدیر
طاقتی چوخدو ، دؤزوملَر داشیدیر
اؤزینه سِئومَلی انسان یاراشیر

اؤلسه ده یولدا دایانماز بو آدام
چاغیران اولسا یوبانماز بو آدام
شَرَفین دونیادا دانماز بو آدام
آدینا یاخچی بیر عنوان یاراشیر

قارا گونلَرده اوزو آغدی اونون
دایانیبدیر اورَیی داغدی اونون
هَرنَفَسدَن نَفَسی ساغدی اونون
او یاشیل اَللَره دَرمان یاراشیر

جَنگ اولوب ، ملته سَربازدی بوگون
جبهه ده اسلَحه سی آزدی بوگون
باهارین وَقتی سولان یازدی بوگون
قیرمیزی لاله سینه قان یاراشیر

کرونا ایندی گَلیب دیر بَدَنه
او چَتین یِئرده پَرَستاردی سَنه
چیرپینیر قَلبی ((یاغیش)) تَک وَطَنه
قوجامان یوردونا قوربان یاراشیر

تقی نژاد ((یاغیش))

بیست و پنجم اسفندماه 1398

منبع

مشخصات

تبلیغات

آخرین ارسال ها

آخرین جستجو ها

اخبار فناوری اطلاعات I JOB (کسب درآمد در منزل) آشنایی با انواع درب فلزیاب تصویری 09102191330 الامین اخبار اقتصادی اصفهان | قیمت روز آهن آلات ، ارز تی تی کلیپ بانک لینک های دانلود فیلم ، دانلود سریال و دانلود آهنگ میباشد ارائه راه حل های کاربردی برای مشکلات خیریه ها