سِئوگیمین یاسینی توتدوم بوگئجه !
هَرزادی ، بیر بیر اونوتدوم بو گئجه
عؤمرومون یانماسینا ، بَسدی دِئدیم
یاشلاری گؤزده قوروتدوم بوگئجه
صاباحین آغزی ، شیرین قند اولاجاق
آجینی چِینَدیم اوتدوم بو گئجه !
بیلمیرم هاردا بولانمیشدی سؤزوم !
اونو قلبیمده دوروتدوم بو گئجه !
قوش کیمی یِئرده داریخمیشدی جانیم
روحومو گؤیده اوچوتدوم بو گئجه
عقلینی دوستا اوتوزموشدو ((یاغیش)) !
عشقینی بیر هئچه اوتدوم بو گِئجه !
هفدهم مهر 1397
تقی نژاد ((یاغیش))
گئجه ,توتدوم بوگئجه ,یاسینی توتدوم ,سِئوگیمین یاسینی ,یاسینی توتدوم بوگئجه ,سِئوگیمین یاسینی توتدوم منبع
درباره این سایت